Diantara Pesan Abah Guru Sekumpul memadahi orang-orang nang ba'isi anak: 1-Kananak itu jangan ditangisakan, lamun inya penangisan atau penyedihan, otaknya sempit kada mau pintar, ulah inya banyak gembira. 2-Kananak itu kada badosa nangkaya wali, lalu kenapa inya bisa garing, sebabnya inya menyandang dosa kuitannya (ayah ibunya) yang balum bataubat, bisa karena dosa yang disenghaja atau yang kada disadari. Teganya pang lawan anak kaitu, sebaiknya kuitannya segera bataubat (banyak-banyak istigfar). 3-Anak itu jangan talalu dipuji, lamun inya talalu dipuji maulah inya panggaringan lawan jadi sombong kaina. 4-Lamun handak anak jadi urang alim (sholeh sholehah) sesuaiakan lawan usahanya, yaitu: -Sekolahakan (didik) kesekolahan agama. -Jaga makanannya yang bujur-bujur halal. -Jaga siapa kakawanannya (pergaulannya) 5-Kenalkan dan cintakan anak-anak dengan orang sholeh (wali) Kurang lebih kaitu pesan Abah Guru yang ulun ingat ceramah sidin mudahan manfaat dan anak turunan kita
اَللهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ